Modal window title here

പോളിസിയുടെ ലക്ഷ്യം

വിദേശത്ത് ജോലി ചെയ്യുന്ന കേരളീയർക്ക് ഗുരുതര രോഗമുണ്ടായാല്‍ (പട്ടികയില്‍ ഉൾപ്പെടുത്തിയിട്ടുള്ളവ) പരിരക്ഷ നൽകുകയാണ് നോർക്ക പ്രവാസി രക്ഷാ ഇൻഷുറൻസ് പോളിസിയുടെ ലക്ഷ്യം. ഒരു വർഷമാണ് പോളിസിയുടെ കാലാവധി. തുടർന്ന് പുതുക്കാവുന്നതാണ്.

പരിരക്ഷയുടെ വിശദാംശം

പോളിസി ഉടമകൾക്ക് പട്ടികപ്രകാരമുള്ള രോഗമുണ്ടായാല്‍ 1 ലക്ഷം രൂപവരെ ഇൻഷുറൻസ് പരിരക്ഷ ലഭിക്കും. ഇതിനായി രജിസ്റ്റേർഡ് മെഡിക്കല്‍ പ്രാക്ടീഷണറില്‍ നിന്നും മെഡിക്കല്‍ സർട്ടിഫിക്കറ്റും, പരിശോധനാ റിപ്പോർട്ടുകൾ ഉൾപ്പെടെയുള്ള അംഗീകാരപത്രവും ലഭ്യമാക്കണം. ഗുരുതരരോഗ സഹായങ്ങള്‍ക്ക് പുറമേ, അപകട ലൈഫ് ഇൻഷുറൻസായി 3 ലക്ഷം രൂപയുടെ പരിരക്ഷയും സ്ഥിര/ഭാഗിക വൈകല്യങ്ങള്‍ക്ക്  1 ലക്ഷം രൂപവരെയുള്ള അധിക സഹായവും ലഭിക്കും. 

അർഹത

ആറ് മാസമോ അതില്‍ കൂടുതലോ കാലയളവിൽ വിദേശത്ത് താമസിക്കുകയോ, ജോലി ചെയ്യുകയോ ചെയ്യുന്ന സാധുതയുള്ള വിസ, പാസ്സ്‌പോർട്ട് എന്നിവയുള്ള പ്രവാസികൾക്ക് അപേക്ഷിക്കാം. 2025 ഏപ്രിൽ 1 മുതൽ, ഇന്ത്യയ്ക്കുള്ളിൽ താമസിക്കുന്ന പ്രവാസികൾക്കും പ്രവാസി രക്ഷാ ഇൻഷുറൻസ് പോളിസി ലഭിക്കാൻ അർഹതയുണ്ടായിരിക്കും.

പ്രായം: 18നും 60നും മധ്യേ

അപേക്ഷിക്കേണ്ട വിധം

അപേക്ഷ ഓൺലൈനായി സമർപ്പിക്കാം (https://www.norkaroots.org). അപേക്ഷാഫീസായ 661 രൂപ (ഇൻഷുറൻസ് പ്രീമിയം ഉൾപ്പെടെ) ഓൺലൈനായി അടയ്ക്കാവുന്നതാണ്.

ആവശ്യമായ രേഖകൾ

(എല്ലാ രേഖകളും സ്കാന്‍ ചെയ്ത് JPEG ഫോർമാറ്റിൽ സമർപ്പിക്കണം.)

•  പാസ്സ്പോർട്ടിന്റെ ഫോട്ടോ പതിച്ച പേജ്, അഡ്രസ് പേജ് എന്നിവ
• വിസ പേജ്, അക്കാമ, വർക്ക് പെർമിറ്റ്, റസിഡന്റ് പെർമിറ്റ്‌
• അപേക്ഷകന്റെ പാസ്സ്‌പോർട്ട് സൈസ് ഫോട്ടോയും ഒപ്പും
   

ഗുരുതര രോഗങ്ങളുടെ പട്ടിക